Siulersiuisut suliassaat
Siulersuisut suliassaat Inatsisartut inatsisaanni nr. 11, 29. oktober 1999-imeersumi takuneqarsinnaasut ukuupput:
· Kalaallit Nunaanni Naatsorsueqqissaartarfimmut pingaarnertut akisussaaffik isumagissallugu
· Kisitsisitigut paasissutissat tamaneersut katiternissaannut siunnersuuteqassallutik
· Kalaallit Nunaanni Naatsorsueqqissaartarfik anguniakkanut aalajangersakkat naapertorlugit sulinersoq nakkutigissallugu
· Suliniuteqarfigineqartunut piffissaq ungasinnerusoq isigalugu Kalaallit Nunaanni Naatsorsueqqissaartarfiup pilersaarusiornera akuersissutigissallugu
· Kalaallit Nunaanni Naatsorsueqqissaartarfiup sulinissamut pilersaarutai akuersissutigissallugit
Ukiumut ataasiartumik suliffeqarfiup sulinera pillugu Naalakkersuisunut nalunaarummik tunniussaqartarnissaq
Siulersuisut katitigaanerat
Siulersuisut 2013-ip naanerani ukuninnga inuttaqarput, taakku atuuffiisa atorunnaarnissaat ungaluusami nalunaarlugu:
· Vøgg Løwe Nielsen, siusinnerusukkut Danmarks Statistikimi allaffimmi pisortaanikoq (5. juni 2017)
· Henrik Leth, Polar Seafoodimi siulersuisuni siulittaasoq (5. juni 2016)
· Kim Neumann Nielsen, Akileraartarnermut Aqutsisoqarfimmi pisortaq (5. juni 2016)
· Aaja Chemnitz Larsen, meeqqat pisinnaatitaaffii pillugit suliniaqatigiiffimmi MIO-mi meeqqat illersuisuat (5. juni 2015)
· Lulu Nielsen, Kommuneqarfik Sermersuumi siunnersortaaneq (5. juni 2017)
Siunnersortaaneq Josef Kajangmat 2013-imi Naatsorsueqqissaartarfimmi sulisut sinnerlugit alaatsinaatsutut siulersuisunut ilaavoq.
Vøgg Løve Nielsen siulersuisunut siulittaasutut 2014-imi qineqqippaat, Lulu Nielsen-illu Karl Davidsen siulersuisunit ilaasortatut taarserpaa.
Kalaallit Nunaanni Naatsorsueqqissaartarfimmi siulersuisut 2014-imi pingasoriarlutik ataatsimiipput. Siullermik ataatsimiinnermi 2013-imi sulisimanerup nalilersorneqarnissaa qitiutinneqarpoq, tassunga ilanngullugu ukiumoortumik nalunaarusiaq. Ataatsimiinnerup tulliani pingaarnertigut suliffeqarneq siammarterisarnerlu qitiutinneqarput, ataatsimiinnermilu kingullermi missingersuutit suliassanullu missingersuutit sulinissamullu pilersaarutit oqallisigalugit 2015-ip pilersaarusiornissaa qitiutinneqarluni.
Siulersuisut inassuteqaateqarnerisigut naatsorsueqqissaartarfimmi pisortap ukiunut aalajangersimasunut atorfeqarnera 2017-imi novembarip naanissaanut 2014-imi sivitsorneqarpoq.